“Futbolçularımla qürur duyuram” – Sarri

İngiltərə Liqa kubokunun finalında “Mançester Siti”yə penaltilər seriyasında məğlub olan “Çelsi”nin baş məşqçisi Mauritsio Sarri, açıqlama verib.

Komanda.az İngiltərə mətbuatına istinadən xəbər verir ki, italiyalı mütəxəssis 0:0 hesabı ilə başa çatan matçdan sonra qürur duyulası oyun göstərdiklərini deyib:

“Mançester Siti” kimi güclü komandadan qol buraxmadıq. Meydanda yaxşı mübarizə apara bildiyimizi göstərdik. Məncə, klub bu “performans”a görə qürur duyacaq. Avropanın ən yaxşı komandasına qarşı layiqli oyun göstərdik. Matçdan əvvəl dediklərimi meydanda göstərdiyimizi deyə bilərəm. Futbolçularımla qürur duyuram”.

Bu oyunun komandadakı gələcəyinə təsir edib-etməyəcəyi ilə bağlı suala cavab verən 60 yaşlı mütəxəssis, “Bunu klub rəhbərliyindən soruşmalısız. Burda çox xoşbəxtəm. Son 3 matçda oyunumuz daha yaxşı idi  və inkişaf etməyə davam edirik” deyib.