“Mançester Siti” qapıçısını 47 milyon avroya satır

“Mançester Siti”nin qapıçısı Ceyms Trafford karyerasını “Lids”də davam etdirməyə yaxındır.

Komanda.az xarici KİV-ə istinadən xəbər verir ki, klublar 47 milyon avro və bonuslar qarşılığında transferlə bağlı ilkin razılığa gəliblər. 22 yaşlı futbolçuya uzunmüddətli müqavilə təklif olunub və bütün sənədlərin həftənin sonuna qədər imzalanması gözlənilir.

Trafford 2025/26 mövsümündə “Mançester Siti”nin heyətində 17 oyuna çıxıb və 8 matçda qapısını toxunulmaz saxlayıb.