Neymar əməliyyat olundu

PSJ-nin futbolçusu Neymar sağ dizindən əməliyyat olunub.

Komanda.az “Ekip” nəşrinə istinadən xəbər verir ki, o, martın 10-da Dohada (Qətər) klinikalardan birində əməliyyat edilib.

Braziliyalı futbolçu fevralın 19-da, Fransa çempionatının 24-cü turunun “Lill”ə qarşı matçında (4:3) əzələ zədəsi almışdı. Neymarın 3-4 aydan sonra ümumi qrupda məşqlərə başlayacağı bildirilirdi.

Neymar 2022/23 mövsümündə PSJ-nin heyətində bütün turnirlərdə 29 oyuna çıxıb, 18 qol vurub və 17 məhsuldar ötürmə edib.