Əvvəl geri qayıdacaqlar, sonra yenə göndəriləcəklər

“Mançester Yunayted”in müdafiəçiləri Erik Bayi və Aleks Telles yayda icarədən kluba qayıdacaqlar.

Komanda.az xarici KİV-ə istinadən xəbər verir ki, daha sonra hər iki futbolçunun yenidən klubu tərk edəcəyi gözlənilir. “Mançester Yunayted” onları yenidən icarəyə göndərmək variantlarını nəzərdən keçirəcək.

30 yaşlı Telles 2022/23 mövsümündə “Sevilya”da çıxış edir. O, bütün yarışlarda 32 matçda 3 məhsuldar ötürmə edib.

29 yaşlı Bayi bu mövsüm “Marsel”ə qoşulub. O, bütün yarışlarda qol vurmadan 20 oyun keçirib.