“Dias indiyə qədər birlikdə oynadığım ən yaxşılardan biridir”

“Bayern”in qapıçısı Manuel Noyer komanda yoldaşı Luis Dias haqqında danışıb.

Komanda.az xarici KİV-ə istinadən xəbər verir ki, o, kolumbiyalı futbolçu haqda bunu deyib:

“Dias indiyə qədər birlikdə oynadığım ən yaxşılardan biridir. Bu komandada məşqçi heyətinin rəhbərliyi altında oynamaq böyük zövqdür. Biz birik, ən vacib şey budur”.

Dias 2025-ci ilin iyul ayında 70 milyon avro qarşılığında “Liverpul”dan “Bayern”ə keçib. O, Münhen klubunun heyətində bütün yarışlarda 24 oyunda 14 qol vurub və 11 məhsuldar ötürmə edib.