Anridən Artetaya xəbərdarlıq

“Arsenal”ın sabiq futbolçusu Tyerri Anri, klubun “Atletiko”nun hücumçusu Xulian Alvaresə marağı ilə bağlı fikirlərini bölüşüb.

Komanda.az xarici KİV-ə istinadən xəbər verir ki, o, argentinalı futbolçunu yüksək qiymətləndirsə də, Viktor Qyokereşin əvəzlənməsinin düzgün addım olmayacağını bildirib:

“İnsanların bu barədə niyə danışdığını başa düşürəm. Alvares dünya futbolunun ən çoxyönlü hücumçularından biridir. O, müasir “9 nömrə”nin bütün keyfiyyətlərinə malikdir. Lakin Qyokereş “Arsenal”a fiziki güc, aqressiya və qollar gətirir. O, müdafiəçilərin oynamaqdan nifrət etdiyi hücumçudur. Söhbət onun Alvareslə əvəzlənməsindən gedirsə, çox ehtiyatlı olardım. Bu, sadəcə oyunçu dəyişikliyi deyil, hücum xəttinin kimliyinin dəyişməsidir. Mən Mikel Arteta (“Arsenal”ın baş məşqçisi) olsaydım, Alvares gəlsə belə, Qyokereşi buraxmazdan əvvəl iki dəfə düşünərdim”.

Xulian Alvares üçün əsas namizədlərdən biri də “Barselona” hesab olunur.