“Əvəzetmələr bizə çox kömək etdi” – İnzaqi

“İnter”in baş məşqçisi Simone İnzaqi UEFA Çempionlar Liqasının 1/8 finalının “Portu” ilə matçından sonra (1:0) açıqlama verib.

Komanda.az xarici KİV-ə istinadən xəbər verir ki, o, fasilədən sonra rəqibin əks-hücumlar etdiyini bildirib:

“Fiziki cəhətdən güclü komandaya qarşı əla oyun keçirdik. Birinci hissədə önə keçə bilərdik. Yaxşı fürsətləri əldən verdik. İkinci hissədə rəqib çox təhlükəli əks-hücumlar etdi. Əvəzetmələr bizə çox kömək oldu.

İlk hissədə topla daha sürətli oynamalı olduq. Hücumları daha keyfiyyətli və sürətli qurmaq lazım idi. Tempi artırmaq olardı”.

“Portu” – “İnter” cütünün cavab qarşılaşması martın 14-də Portuqaliyada keçiriləcək.