“Əsas məqsədimiz bir xal qazanmaqdır” – Kristofer Martins

Futbol üzrə Lüksemburq millisinin üzvü Kristofer Martins UEFA Millətlər Liqasının ilk turu çərçivəsində Azərbaycan yığmasına qarşı keçirəcəkləri oyundan öncə fikirlərini bölüşüb.

Komanda.az xəbər verir ki, o, bu gün Bakıda baş tutan mətbuat konfransında jurnalistlərin suallarını cavablandırıb:

• Azərbaycan milli komandasının heyətində hansı futbolçunu fərqləndirərdiz?
• Azərbaycan milli komandasının bir neçə oyununu izləmişəm. Xüsusilə 2 nömrəli futbolçunu – Qara Qarayevi fərqləndirərdim. O, komandayla çox yaxşı oynamaq bacarığına sahibdir.
• Millətlər Liqasındakı əsas hədəfiniz nədir?
• Əsas məqsədimiz bir xal qazanmaqdır (gülür). Hər oyunda yaxşı performans sərgiləmək əsas hədəfimizdir.
• İsveçrədən Lüksemburqa qayıtmaqda çətinlik yaşadızmı?
• Oyuna gəlməyi çox səbirsizliklə gözləyirdim. Burada olmaqdan məmnunam.
• İsveçrədə qazandığınız son titul sizin özünüzə olan inamınızı artırıbmı?
• Bəli, meydandayamsa, hər zaman özümə əminəm. Qələbələr motivasiyamı qaldırır və sabah daha yaxşı mübarizə aparmaq üçün mənə kömək olacaq. Komandaya uyğunlaşmaqda problem olmayacaq. Bütün futbolçuları tanıyıram və onlarla oynamaq rahatdır.

Şahin Cəfərov