“Zirə”dən Tanzaniya klubu ilə heç-heçə

Türkiyənin Bolu şəhərində təlim-məşq toplanışında olan “Zirə” sonuncu yoxlama oyununu keçirib.

Komanda.az xəbər verir ki, Rəşad Sadıqovun baş məşqçi olduğu komanda Tanzaniya təmsilçisi “Simba” ilə üz-üzə gəlib.

“Vonresort” otelin meydançasında baş tutan qarşılaşma 1:1 hesablı heç-heçə ilə yekunlaşıb. Zirəlilərin yeganə qolunu Rüstəm Əhmədzadə vurub.

“Zirə” daha əvvəl Türkiyənin “Fatih Karagümrük” komandası ilə qolsuz sülhə razılaşıb. Bakı klubu Azərbaycanın Premyer Liqasının I turunda “Qarabağ”ın qonağı olacaq.