“Yuventus”un son 9 mövsümdəki ən pis göstəricisi

İtaliyanın “Yuventus” klubu cari mövsümdə A Seriyasında keçirdiyi 21 oyunda 42 xal toplayıb.

Komanda.az İtaliya mətbuatına istinadən xəbər verir ki, bu, “qoca sinyora”nın son 9 mövsümdəki ən pis göstəricisidir.

Komanda 2010/21-ci il mövsümündə A Seriyasında keçirdiyi 21 matçda 35 xal qazanaraq, ən pis göstəriciyə imza atıb.

Andrea Pirlonun rəhbərlik etdiyi komanda bu mövsümdə keçirdiyi 21 oyunun 12-də qalib gəlib, 6 matçda bərabərliyə razılaşıb və 3 qarşılaşmada məğlub olub.

“Yuventus” hazırda turnir cədvəlinin 4-cü pilləsində qərarlaşıb.