“Yuventus” 3 futbolçu transfer etməyi planlaşdırır

“Yuventus” qış transfer pəncərəsində heyətini üç futbolçu ilə gücləndirmək niyyətindədir.

Komanda.az xarici KİV-ə istinadən xəbər verir ki, Turin klubundan dəfələrlə yanvarda yeni mərkəz müdafiəçisi ilə müqavilə bağlamaq lazım olduğu bildirilib.

“Yuve” rəhbərliyi bu ay eyni anda iki müdafiə oyunçusunu dəvət etmək istəyir. Klub bundan başqa, hücumçu almağı da planlaşdırır.

“Yuventus” A Seriyasında 18 oyundan sonra 32 xalla turnir cədvəlinin 5-ci pilləsində qərarlaşıb. Komanda yanvarın 11-də “Torino” ilə səfərdə üz-üzə gələcək.