“Yuventus”un müvəqqəti baş məşqçisinin adı açıqlanıb

“Yuventus” komandaya müvəqqəti rəhbərlik edəcək baş məşqçinin adını açıqlayıb.

Komanda.az klubun mətbuat xidmətinə istinadən xəbər verir ki, Turin təmsilçisini A Seriyasında son üç oyuna U-19-un baş məşqçisi Paolo Montero çıxaracaq.

Uruqvaylı mütəxəssis mayın 17-də istefaya göndərilən Massimiliano Alleqrini əvəzləyib.

2024/2025 mövsümündən etibarən “ağ-qaralar”ı “Bolonya”nın hazırkı baş məqşçisi Tiaqo Mottanın çalışdıracağı gözlənilir.