“Milan” istəyir – “Yuventus”a qol vuran hollandı

“Ayaks” futbolçusu Van de Bekin transfer dəyərini müəyyənləşdirib.

Komanda.az xarici mətbuata istinadən xəbər verir ki, 22 yaşlı yarımmüdafiəçini transfer etmək istəyən klub 60 milyon avrosundan keçməlidir. İtaliyanın “Milan” klubu Van de Beki transfer etməkdə qərarlıdır. Ölkə mətbuatı “Milan”ın “Ayaks”la danışıqlara başladığını və bu qiyməti aşağı salmaq istədiyini iddia edib.

“Ayaks”ın yetirməsi olan Van de Bek bu mövsüm 51 rəsmi oyunda iştirak edib. Holland futbolçu Çempionlar Liqasının 1/4 final mərhələsinin “Yuventus”la cavab matçında komandasının ilk qolunu vurmuşdu.

“Ayaks” ÇL-in 1/4 final mərhələsinin ilk oyununda 1:1 hesablı heç-heçə etdiyi “Yuventus”u cavab qarşılaşmasında 2:1 hesabıyla məğlub edərək, yarımfinala yüksəlib. Amsterdam təmsilçisi bu mərhələdə “Tottenhem”lə qarşılaşacaq.