“Yuventus” hücumçusunu satdı

İtaliya çempionu “Yuventus” futbolçusu Alberto Çerri ilə yollarını birdəfəlik ayırıb.

Komanda.az xəbər verir ki, Turin təmsilçisi 22 yaşlı hücumçusunu A Seriyasının digər təmsilçisi “Kalyari”yə satıb. Bu barədə klubun rəsmi saytı məlumat yayıb.

“Kalyari” italiyalı futbolçunun transferinə görə turinlilərə 9 milyon avro təzminat ödəyəcək.

Qeyd edək ki, 2015-ci ildə “Parma”dan “Yuventus”a keçən Çerri mövsümün əvvəlindən “Kalyari”də icarə əsasında çıxış edirdi.