“Yuventus” avrokuboklardan kənarlaşdırıldı – RƏSMİ

İtaliyanın “Yuventus” klubu avrokuboklardan kənarlaşdırılıb.

Komanda.az UEFA-nın rəsmi saytına istinadən xəbər verir ki, Turin təmsilçisi maliyyə feyr-pley qaydalarını pozduğu üçün 2023/2024 mövsümündə Avropa Konfrans Liqasında iştirak hüququndan məhrum edilib.

Bu azmış kimi, Turin klubu 20 milyon avro məbləğində cərimələnib.

Bu komandanı avrokuboklarda ötən mövsüm A Seriyasını 8-ci pillədə tamamlayan “Fiorentina” əvəzləyəcək.

Xatırladaq ki, “Yuventus” ötən mövsüm İtaliya çempionatında 7-ci yeri tutub.