“Yuventus” 9 il idi belə aqibətlə üzləşmirdi

İtaliyanın “Yuventus” klubu 9 ildən sonra UEFA Çempionlar Liqasında 1/8 final mərhələsinə vəsiqə qazana bilməyib.

Komanda.az xəbər verir ki, Massimiliano Alleqrinin baş məşqçi olduğu komanda ÇL-in qrup mərhələsinin 5-ci turunda Portuqaliyada “Benfika”ya 3:4 hesabı ilə uduzub.

Turin təmsilçisi son olaraq 2013/14 mövsümündə uğursuzluqla üzləşmişdi. “Yuventus” həmin vaxtdan sonra ardıcıl 8 mövsüm idi pley-offda iştirak edirdi.

H qrupunda 3 xalla 3-cü pillədə qərarlaşan “qoca sinyora” sonuncu turda Fransa çempionu PSJ-ni qəbul edəcək.