Yüksək Liqada ilk dövrəyə yekun vuruldu

Bu gün kişi voleybolçular arasında Azərbaycan Yüksək Liqasında 1-ci və 4-cü turdan təxirə salınan oyunlar keçirilib.

Komanda.az xəbər verir ki, “Murov” Voleybol Klubunun idman zalında baş tutan görüşlərin hər ikisində 3:0 hesabı qeydə alınıb.

Günə 4-cü turdan təxirə salınan “Sərhədçi” – MOİK qarşılaşması ilə start verilib. Eldar Əliyevin komandası matçı 3:0 (25:18, 25:17, 26:24) hesabı ilə qalib gəlib.

Dövrənin son matçı isə 1-ci turdan təxirə salınan “Murov” – “Ekspress” matçı olub. Rəqibinə aman verməyən “Murov” matçı 3:0 (25:15, 25:10, 25:17) hesabı ilə qalib gəlib.

Beləliklə, Yüksək Liqada 1-ci dövrənin oyunları başa çatıb. İlk dövrənin nəticələrinə əsəsən ilk 3 pillədə müvafiq olaraq “Murov”, “Neftçi” və MOİK komandaları qərarlaşıblar. Eyni – hərəyə 9 xal toplayan klubların set fərqi də bərabərdir. Ardıcıllıq məhz top fərqinə görə sıralanıb. Dördüncü pilləni 3 xalla “Ekspress” tutursa, sonuncu yerdə olan “Sərhədçi” nəinki xala, setə belə həsrətdir.

Yüksək Liqanın qalibi 4 dövrədən sonra müəyyən olunacaq. Xallar bərabər olarsa, yerlər qələbə sayına əsasən elan ediləcək.