Xorvatiyalı Londonu Mançesterə dəyişəcək?

“Çelsi”nin yarımmüdafiəçisi Mateo Kovaçiç “Mançester Siti”yə keçə bilər.

Komanda.az “Todofichajes”-ə istinadən xəbər verir ki, “şəhərlilər” yayda klubdan ayrılacağı ehtimal edilən İlkay Gündoğanın boşluğunu xorvatiyalı futbolçu ilə doldurmaq niyyətindədir.

Kovaçiç 2019-cu ilin yayından “zadəganlar”ın heyətində çıxış edir. O, cari mövsümdə London təmsilçisinin heyətində 23 oyuna çıxıb, bir qol vurub və eyni sayda məhsuldar ötürmə edib.