Xavinin sirri – O, futbolçuları “Barselona”ya keçməyə necə inandırır?

“Barselona”nın baş məşqçisi Xavi komandaya yeni gələn futbolçularla necə danışıqlar apardığını açıqlayıb.

Komanda.az “Marca”-ya istinadən xəbər verir ki, ispaniyalı mütəxəssis, polşalı hücumçu Robert Levandovskinin “Barselona”ya keçidini klub tarixinin uğuru adlandırıb:

“Mən futbolçularla danışarkən klubların layihələrini müqayisə etmirəm. Mən oyun modeli, şəhər haqqında danışıram. Mən beləyəm, yüz faizimi işə verməsəm, evdə qalmalıyam.

Oyunçular bizə qoşulmaq istəyirlər? Bu, klubun qlobal və tarixi səviyyədə böyüklüyündən xəbər verir. Bu, maraqlı layihədir. Biz də futbolçularla çox aydın danışırıq. Bu, “Barselona”dır və insanlar burada oynamaqdan xoşbəxtdirlər. Levandovskinin bura gəlmək istəməsi klubun tarixində uğurdur”.

“Barselona” bu yay Rafinya (“Lids”), Robert Levandovski (“Bayern”), Frank Kessye (azad agent) və Andreas Kristenseni (azad agent) transfer edib.

Bizi Telegramda izləyin