Xavidən “Barselona”ya qayıdacağı gözlənilən Messi haqda açıqlama

“Barselona”nın baş məşqçisi Xavi Lionel Messinin Kataloniya klubuna mümkün qayıdışından danışıb.

Komanda.az “Barca Universal”-a istinadən xəbər verir ki, Xavi, Messinin qayıtması ehtimalının azarkeşləri həyəcanlandırdığını deyib:

“Mən görürəm ki, insanlar Messinin mümkün qayıdışından çox həyəcanlanırlar. Çünki onlar son iki matçdır ki, ardıcıl olaraq onun adını tərənnüm edirlər.

Hazırda bütün diqqətimizi La Liqada qələbə qazanmağa yönəltmişik. Bundan sonra nə olacağını görəcəyik”.

Hazırda PSJ-də forma geyinən Messinin Səudiyyə Ərəbistanına və ya MLS-ə gedəcəyi haqda da iddialar var.