Xavi: “Santyaqo Bernabeu”da qalib gəlsək belə…”

“Barselona”nın baş məşqçisi Xavi La Liqanın 28-ci turunda “Osasuna”nı məğlub etdikləri oyundan sonra (4:0) açıqlama verib.

Komanda.az İspaniya mətbuatına istinadən xəbər verir ki, Xavi, oyunda iki məhsuldar ötürmə verən Osman Dembele və “Real”la qarşıdakı matç barədə də danışıb:

• Biz intensivliyi, topun hərəkətini artırmışıq. Belə oynasaq, istənilən klubla rəqabət apara bilərik. Komandada rəqabətin olması yaxşıdır. İndi daha geniş heyətə sahibik.

• Dembelenin oyunundan razısız?

• Dembele bu cür çıxış edəndə azarkeşlərimiz sevinir. O, “Barselona” üçün döyüşür və insanlar bunu görür.

• Martın 20-də səfərdə “Real”la qarşılaşacaqsız…

• “Santyaqo Bernabeu”da qalib gəlsək belə, La Liqada çempion olmaq çox çətin olacaq. Çox da nikbin ola bilmərik.