Xavi Messinin “Barselona”ya mümkün qayıdışından danışdı

“Barselona”nın baş məşqçisi Xavi Lionel Messinin komandaya mümkün qayıdışından danışıb.

Komanda.az “Barca Universal”-a istinadən xəbər verir ki, “Malyorka” ilə oyundan (3:0) sonra Kataloniya klubu Serxi Buskets və Jordi Albanın vida mərasimini keçirib. Xavi, mərasimdə Messini haqda fikirlərini bölüşüb:

“Messi də belə bir vidaya layiqdir. Məncə, hamımız bununla razılaşırıq, görək necə olacaq. Biz hamımız Messini sevirik, amma bu o demək deyil ki, o “Barsa”ya gələcək. O, tarixin və “Barselona”nın ən yaxşısıdır. Lakin onun qayıdışı nə qədər çox şey etmək istədiyindən asılıdır.”

Messi hazırda Fransanın PSJ klubunda forma geyinir.