Xavi: “Mən titullar uğrunda mübarizə aparmaq istəyirəm”

“Barselona”nın baş məşqçisi Xavi İspaniya çempionatının 35-ci turunda “Betis”lə oyundan (2:1) sonra fikirlərini bildiri

Komanda.az “Marca”-ya istinadən xəbər verir ki, Xavi, ötən ilin payızında “Barselona”nın hansı mövqedə olduğunu xatırladıb:

“Oyundan razı qaldım. Amma matçı təhlil etməli və nəyi əskik etdiyimizi öyrənməliyik. Komandamız ötən ilin noyabrından fərqli olaraq indi mübarizəyə hazırdır.

Bərabər səviyyəli matç oldu, amma yenə də qələbə qazana bildik. Biz “Barselona”yıq və bu, bizim minimumumuzdur. Ancaq noyabrda biz doqquzuncu idik, hətta Avropa Liqasına düşmək zonasında deyildik. Daha yaxşı, daha diqqətli olmalıyıq və titullar uğrunda mübarizə aparmalıyıq.

İndi ikinci olmaq üçün daha çox şansımız var, amma mən titullar uğrunda mübarizə aparmaq istəyirəm”.

“Barselona” La Liqada 35 turdan sonra 69 xalla turnir cədvəlinin ikinci pilləsində qərarlaşıb.