Xavi: “Bu nəticədən həzz almalıyıq”

“Barselona”nın baş məşqçisi Xavi La Liqanın 29-cu turunda “Real”ı səfərdə məğlub etdikləri oyundan sonra (4:0) fikirlərini bölüşüb.

Komanda.az İspaniya mətbuatına istinadən xəbər verir ki, Xavi, daha çox qol biləcəklərini deyib:

“Mən “Barselona”nın baş məşqçisi və azarkeşiyəm. Biz bu nəticədən həzz almalıyıq.

Futbolçulardan və nəticədən çox razıyam. Əla oyun keçirdik. Daha çox qol vura bilərdik. Mən futbolçularımla fəxr edirəm. Bu oyun “Barselona”nın 2009-cu ildə “Real” üzərində 6:2 hesablı qələbəsinə bənzədi. 

Mənə heç bir alqış lazım deyil. Bu, “Barselona”nın futbolçularına lazımdır. Bu, futbolçuların və bütün komandanın, ailənin qələbəsidir. Mən “Barselona”nın uğur qazanması üçün buradayam. Biz “Real”a qarşı necə oynayacağımızı, necə hücum edəcəyimizi bilirdik. Rəqib yalnız son 20 dəqiqədə təşəbbüsü ələ ala bildi. Bu da normaldır. Çünki o vaxt biz artıq 4 top fərqi ilə irəlidə idik”.