“Xavi “Barselona” üçün ən yaxşı məşqçidir” – Deku

“Barselona”nın idman direktoru Deku Xavinin komandanın baş məşqçisi kimi fəaliyyətini yüksək qiymətləndirib.

Komanda.az “Diario Sport”-a isitnadən xəbər verir ki, Deku ispaniyalı mütəxəssisin ideal məşqçi olduğunu bildirib:

“Şübhə etmirəm ki, Xavi “Barselona” üçün ən yaxşı məşqçidir. O, bir neçə il əvvəl başlayan bu layihənin ən yaxşı məşqçisidir. O, çağırışı qəbul etdi, vacib bir zamanda bura köçdü və yenidən qurmağa çalışdığımız şeyi yenidən qurmaq üçün ideal məşqçidir. İndi bəzi çətinliklərlə üzləşirik, çoxlu matçlar keçiririk və təbii ki, daha yaxşı oynamağımızı istəyən ilk odur. Xavi öz məsuliyyətini bilir. Bilir ki, uğursuz çıxışlar ona və hamımıza baha başa gəlir. O, nə etməli olduğunu çox yaxşı bilir”.

Kataloniya təmsilçisi La Liqada 13 turdan sonra 30 xalla turnir cədvəlinin 3-cü pilləsində qərarlaşıb.