Xavi: “Əla oyun nümayiş etdirdik”

“Barselona”nın baş məşqçisi Xavi Ernandes Avropa Liqasının 1/8 final mərhələsində “Qalatasaray” üzərində qələbəni (2:1) şərh edib.

Komanda.az xəbər verir ki, UEFA-nın rəsmi saytına danışan ispan mütəxəssis, səbrli oyun nümayiş etdirdiklərini bildirib:

“Oyunu yüksək səviyyədə keçirdik. Belə bir stadionda əla oyun nümayiş etdirdik. Rəqib futbolçular bizə qarşı necə müdafiə olunacaqlarını bilirdilər. Amma biz də səbrli idik. Futbolçularıma görə çox şadam”.

“Barselona” “Qalatasaray”ı məğlub etməklə Avropa Liqasının 1/4 final mərhələsinə vəsiqə qazanıb.