Xarici KİV: “Real” Mbappe üçün 250 milyon avro ödəməyəcək

Kilian Mbappenin transferi ilə bağlı “Real” və PSJ arasında razılaşma yoxdur.

Komanda.az xəbər verir ki, bu barədə COPE məlumat yayıb.

Nəşr klubların 200+50 milyon avroya transfer barədə razılığa gəldiyi haqda məlumatları təkzib edib. Məlumatda deyilir ki, “Real” hadisələrin inkişafını gözləyir və o qədər pul ödəmək niyyətində deyil.

“PSJ-də Mbappenin satılması ilə bağlı heç bir razılaşma yoxdur” – məlumatda deyilir.

Eyni zamanda, bildirilir ki, PSJ Mbappeni satmaq istəyir. Futbolçunun müqaviləni yeniləməkdən imtinası ilə üzləşən Paris klubunun rəhbərliyi sərfəli təklifi qəbul edə bilər.