Xarici KİV: “Real” bu yay Mbappe üçün danışıqlar aparmayacaq

“Real” yay transfer pəncərəsində PSJ-nin hücumçusu Kilian Mbappe üçün danışıqlar aparmayacaq.

Komanda.az “Marca”-ya istinadən xəbər verir ki, futbolçunun maaşının çox olması səbəbindən transferinin mümkün olmayacağı bildirilir.

Vəziyyət yalnız 2024-cü ildə, o halda dəyişə bilər ki, fransalı forvard müqavilənin bitməsinə bir il qalmış klubu tərk etmək qərarına gəlsin.

Mbappe 2022-ci ildə “Real”a keçə bilərdi, lakin son anda PSJ ilə müqaviləsini uzatdı.

24 yaşlı hücumçu bu mövsüm 40 oyun keçirib, 38 qol vurub və 9 məhsuldar ötürmə edib.