Xarici KİV: Messi “Barselona”dan təklif gözləyir

PSJ-nin hücumçusu Lionel Messi “Barselona”ya qayıtmağa hazırdır.

Komanda.az xarici KİV-ə istinadən xəbər verir ki, Messi Kataloniya klubundan təklif gələrsə, “Barselona”ya qayıtmağa hazırdır. Argentinalı forvard “Kamp Nou”ya qayıtmağı xəyal edir.

Daha əvvəl “Barselona”nın vitse-prezidenti Rafa Yuste Messinin kluba mümkün qayıdışından danışıb.

35 yaşlı hücumçu 2005-2021-ci illərdə Kataloniya klubunda çıxış edib. O, “Barsa”da 778 oyun keçirib, 672 qol vurub və 303 məhsuldar ötürmə verib.

Messinin PSJ ilə müqaviləsi bu mövsümün sonuna qədərdir.

O, bu mövsüm Paris klubunun heyətində bütün turnirlərdə 32 oyuna çıxıb, 18 qol vurub və 17 məhsuldar ötürmə verib.