Vüqar Həşimov Memorialının sonuncu iştirakçısı məlum olub

Şuşada ilk dəfə keçiriləcək Vüqar Həşimov Memorialının sonuncu iştirakçısı məlum olub.

Komanda.az Azərbaycan Şahmat Federasiyasının mətbuat xidmətinə istinadən xəbər verir ki, Təşkilat Komitəsi FİDE təmsilçisi Vladislav Artemyevlə (2808) razılıq əldə edib.

O, blits üzrə komandalar arasında dünya çempionatının qalibi və Avropa çempionudur.

Turnirdə ümumilikdə 8 şahmatçı mübarizə aparacaq. Qrossmeysterlər rapid və blits üzrə mübarizə aparacaqlar.

Vüqar Həşimov Şahmat Fondu, Gənclər və İdman Nazirliyi, Azərbaycan Şahmat Federasiyasının təşkilatçılığı ilə keçiriləcək Vüqar Həşimov Memorialı sayca 10-cu dəfə baş tutacaq. Ənənəvi yarışa əvvəlki illərdə Şəmkir, Bakı və Qəbələ ev sahibliyi edib.