Mbapennin xəyalını qurduğu kubok

PSJ-nin hücumçusu Kilian Mbappe Fransa klubunun heyətində qarşısına qoyduğu hədəfdən danışıb.

Komanda.az “France 3”-ə istinadən xəbər verir ki, o, bunun UEFA Çempionlar Liqasını qazanmaq olduğunu bildirib:

“Bu turnirin 1/8, 1/4, yarımfinal və final mərhələlərində çıxış etmişəm. Kuboku qazanmağı xəyal edirəm. Qələbə qazanmaq mənə görə vacibdir. Ümid edirəm ki, tezliklə bu arzum reallaşacaq.

Başqa kluba keçmək? Mən parisliyəm və bu klubla müqaviləm var. Təbii ki, PSJ ilə Çempionlar Liqasını qazanmaq istəyirəm”.

Keçən ilin yayında Mbappenin İspaniya klubu “Real”la sözləşmənin şərtlərini razılaşdırdığı bildirilirdi. Lakin sonra PSJ futbolçusu ilə müqavilənin uzadıldığını açıqladı.

Eyni zamanda, Fransa millisinin üzvü öncədən “Real”a keçmək arzusunda olduğunu da dilə gətirmişdi.

Kilian Mbappe cari mövsümdə PSJ-nin heyətində bütün turnirlər daxil olmaqla 35 oyuna çıxıb, 31 qol vurub və 8 məhsuldar ötürmə edib.