Tuxel Kristenseni niyə əvəzləyib?

“Çelsi”nin baş məşqçisi Tomas Tuxel Premyer Liqada “Arsenal”a 2:4 hesabı ilə uduzduqları oyunda danimarkalı müdafiəçi Andreas Kristenseni əvəzləməsinin səbəbini izah edib.

Komanda.az “Goal”-a istinadən xəbər verir ki, Tuxel, futbolçunun özünün əvəzlənməyi istədiyini bildirib:

“O, oynamağa davam edə bilməyəcəyini söylədi. Düşünürəm ki, onun bəzi problemləri var”.

Danimarkalı futbolçu “Arsenal”la matçda Tyaqo Silva ilə əvəzlənib. Daha əvvəl Kristensenin “Barselona” ilə şəxsi müqavilənin şərtlərini razılaşdırdığı və yayda “Çelsi”dən ayrılacağı bildirilirdi. O, 2014-cü ildən “Çelsi”də forma geyinir.

“Çelsi” 31 matçda 62 xal toplayıb və İngiltərə Premyer Liqasının turnir cədvəlində 3-cü yerdədir.