Tuxel 2 futbolçunun “Çelsi”dən ayrılacağını təsdiqlədi

“Çelsi”nin baş məşqçisi Tomas Tuxel müdafiəçi Andreas Kristensenin mövsümün sonunda klubu tərk edəcəyini təsdiqləyib.

Komanda.az xəbər verir ki, Tuxel “Daily Mail”-ə açıqlamasında “Bu mövsümdən sonra Antonio Rüdigeri və Kristenseni itirəcəyik” deyib.

Kristensen 2012-ci ilin iyulunda “Çelsi”yə keçib. O, bu mövsüm londonluların heyətində 34 matçda 2 qol vurub və 1 məhsuldar ötürmə edib.

26 yaşlı futbolçunun azad agent kimi “Barselona”ya keçməyə yaxın olduğu bildirilir. Onun “Çelsi” ilə müqaviləsi bu ilin iyun ayının sonuna kimi qüvvədədir.