“Turan Tovuz”un Antalya toplanışına start verildi

Mövsümün ikinci hissəsinə hazırlıq məqsədi ilə Türkiyəyə yollanan “Turan Tovuz” Antalyada təlim-məşq toplanışına start verib.

Komanda.az klubun mətbuat xidmətinə istinadən xəbər verir ki, komanda sözügedən şəhərdə ilk məşqinə çıxıb.

Yanvarın 17-dək Antalyada hazırlığını davam etdirəcək Tovuz təmsilçisi ilk yoxlama oyununa 9 yanvar tarixində çıxacaq. Rəqib Rumıniya yüksək liqa təmsilçisi “Voluntari” olacaq. Komanda yanvarın 15-də isə Macarıstanın “Şiofok”u, Özbəkistan yüksək liqa klubu “Nasaf”la qarşılaşacaq.