“Başakşəhər”ə 1 qol bəs etdi

Futbol üzrə Türkiyə Super Liqasında 31-ci tura yekun vurulub.

Komanda.az xəbər verir ki, ilk oyun günündə dörd qarşılaşma baş tutub. “Fənərbaxça” ardıcıl 4 oyundur məğlub olan “Kayserispor”un qonağı olub və darmadağına sevinib.

Son 3 oyunda yalnız bir qələbəsi olan “Qalatasaray” dogma meydanda “Fatih Karagümrük” komandasını sınağa çəkib və inamlı qələbə qazanıb. Dörd qolun qeydə alındığı “Girəsunspor” – “Sivasspor” matçında qalib müəyyənləşməyib. “Altay” isə evdə “Antalyaspor”a uduzub.

Turun mərkəzi qarşılaşması aprelin 3-də keçirilib. Çempionluğa çox yaxın olan “Trabzonspor” “Medikal Park”da “Beşiktaş”la üz-üzə gəlib. Tərəflər bu oyunda hərəyə 1 qol və 1 xalla kifayətləniblər. Günün digər oyunlarında “Kasımpaşa” “Qaziantep”i, “Konyaspor” “Göztəpə”ni, “Alanyaspor” isə “Rizəspor”u məğlub yola salıb.

Sonuncu oyun günündə iki görüş baş tutub. “Hatayspor” – “Adana Dəmirspor” matçında qapılara qol vurulmayıb. “Başakşəhər” isə “Yeni Malatyaspor”la ev oyunundan minimal hesabla qalib ayrılıb.

Türkiyə Super Liqası, 31-ci tur

2 aprel

Girəsunspor – Sivasspor 2:2
Qol: U.Nayir, 72; 79 – Kayode, 39. Qradel, 44.

Kayserispor – Fənərbaxça 0:4
Qol: Zayç, 16. Rossi, 45. İ.Kahveçi, 54. A.Gülər, 90+3.

Altay – Antalyaspor 1:2
Qol: Rayan, 74-pen – L.Adriano, 25. Rayt, 70.

Qalatasaray – Fatih Karagümrük 2:0
Qol: Qomis, 4-pen. Babel, 12.

3 aprel

Kasımpaşa – Qaziantep 2:1
Qol: Muleka, 41. Haderqyonay, 90+7-pen – Djilobodji, 35.

Konyaspor – Göztəpə 3:0
Qol: Çikalleşi, 6. O.Ülgün, 28. Byutyuqi, 71.

Alanyaspor – Rizəspor 2:1
Qol: E.Akbaba, 9. E.Karaca, 60-pen – Sisse, 66.

Trabzonspor – Beşiktaş 1:1
Qol: Kornelius, 56 – Rozye, 71.

4 aprel

Hatayspor – Adana Dəmirspor 0:0

Başakşəhər – Yeni Malatyaspor 1:0
Qol: Aleksiç, 26.