“Tottenhem”lə matç göstərdi ki…” – Qvardiola

İngiltərənin “Mançester Siti” klubunun baş məşqçisi Pep Qvardiola komandanın vəziyyəti ilə bağlı açıqlama verib.

Komanda.az İngiltərə mətbuatına istinadən xəbər verir ki, 48 yaşlı mütəxəssis, Premyer Liqanın 2-ci turunda “Tottenhem”lə 2:2 hesablı bərabərliklə başa çatan matç haqqında danışıb:

“Tottenhem”lə matç göstərdi ki, biz keçən mövsümdən daha yaxşı çıxış edə bilərik. Keçən mövsüm də yaxşı çıxış etdiyimiz matçlar oldu. Düşünürəm ki, hər üç gündən bir “Tottenhem”ə qarşı göstərdiyimiz oyunu oynamaq mümkünsüzdür.

Son iki mövsümdə vurduğumuz qol sayına baxanda, bu mövsüm daha çox qol vura biləcəyimizə şübhə etmirəm. Heyətimizdə bir mövsümdə 50-60 qol vuran Lionel Messi və Kriştiano Ronaldo kimi iki futbolçu yoxdur, amma son iki mövsümdə inanılmaz sayda qol vurmuşuq. Biz bu bacarığımızı itirməyəcəyik, qol vurmağa davam edəcəyik”.