Ten Haq: “Bu mövsüm bəzi mövqelər üçün seçimimiz yox idi”

“Mançester Yunayted”in baş məşqçisi Erik ten Haq klubun gələn yay daha bir hücumçu almasını istəməsi ilə bağlı sualı cavablandırıb.

Komanda.az BBC-yə istinadən xəbər verir ki, niderlandlı mütəxəssis komandaya hər mövqe üçün iki oyunçu lazım olduğunu bildirib:

“Düşünürəm ki, bu, bizə kömək edəcək. Daha çox seçim etmək lazımdır. Komandaya hər mövqe üçün iki oyunçu lazımdır.

Bu mövsüm bəzi mövqelər üçün seçimimiz yox idi, məsələn, hücumçu, sol cinah müdafiəçisi mövqeyi. Bu, nəticələrə mənfi təsir göstərir”.

“Mançester Yunayted”in hazırda 2 mərkəz hücumçusu var: Rasmus Hoylund və Antoni Marsial. Danimarkalı futbolçu bu mövsüm bütün yarışlarda 13 qol vurub. Öz növbəsində fransalı hücumçu 2 qolla yadda qalıb.