Təxirə salınmış oyunda “Xarı Bülbül” sevindi

Bu gün kişi voleybolçular arasında Azərbaycan Yüksək Liqasında daha bir təxirə salınan oyun keçirilib.

Komanda.az xəbər verir ki, 7-ciI turun baş tutmayan “Xarı bülbül” – MOİK matçı Voleybol Mərkəzində təşkil olunub.

Qarşılaşma Şuşa klubunun üstünlüyü ilə başlayıb. İlk hissədə 27:25 hesabı ilə qalib gələn “Xarı bülbül” komandası sonrakı setləri də aktivinə yazıb – 25:08, 25:19.

Beləliklə, bu matçdan sonra Azərbaycan Yüksək Liqasında 3-cü dövrə başa çatıb. Üç dövrədən sonra “Murov” 26 xalla turnir cədvəlinə liderlik edir. 15 xala malik “Xarı bülbül” ikinci, 12 xalla “Neftçi” üçüncü yerdə qərarlaşıb. MOİK isə 1 xalla sonuncudur.