“Sumqayıt” üçün 25 oyun

“Neftçi” ilə 1/4 final mərhələsinin cavab oyunu “Sumqayıt” üçün yubileylə əlamətdar olub. 

Komanda.az xəbər verir ki, “gənclik şəhəri” təmsilçisi Azərbaycan kubokunda 25-ci oyununu keçirib. Bu matçdakı qolsuz heç-heçə komandanın 5-ci “sülh”ü olub. Sumqayıtın eyniadlı təmsilçisi 9 qələbə qazanıb və 11 dəfə uduzub. 29 qol vuran komanda 34 top buraxıb.

Azərbaycan kubokunda 2010/11 mövsümündə debüt edən “Sumqayıt” ilk oyununu 1/16 final mərhələsində keçirib. Komanda səfərdə Bakı “Lokomotiv”inə qalib gəlib – 2:0.