Stankoviçin yeni klubu məlum oldu

“Neftçi”dən ayrılan Voyislav Stankoviçin yeni klubu müəyyənləşib.

Komanda.az xəbər verir ki, serbiyalı müdafiəçi karyerasını ölkəsində davam etdirəcək.

O, Superliqanın debütantı “Jelezniçar” (Pançevo) ilə müqavilə imzalayıb. Bu barədə klubun rəsmi saytı məlumat yayıb.

Xatırladaq ki, Stankoviç 2019-cu ildən “Neftçi”də çıxış edirdi. O, daha əvvəl ölkəmizdə “İnter” (İndiki “Şamaxı”) və “Qəbələ”də də oynayıb.