Slot macar futbolçunu təriflədi

“Liverpul”un baş məşqçisi Arne Slot yarımmüdafiəçi Dominik Soboslainin oyunundakı irəliləyişdən danışıb.

Komanda.az xarici KİV-ə istinadən xəbər verir ki, niderlandlı çalışdırıcı etiraf edib ki, 24 yaşlı macar futbolçunu qiymətləndirilməyən oyunçu hesab edir:

“Düşünürəm ki, son həftələr və ya aylarda o, daha çox təhlükəli hücumlarda iştirak edir, bəzən kömək edir və qol vurur. Son matçda iki qola töhfə verib. O, buna layiqdir, çünki çox səy göstərir və əla texnikaya malikdir. Mən həmişə onun qollarını və ötürmələrini əldə etməsinin bir an məsələsi olduğunu düşünürdüm”.

Slotun komandası bu gün Premyer Liqa çərçivəsində “Bornmut”la qarşılaşacaq.