“Sevilya” “Qarabağ”a əlavə 250 min avro ödəyə bilər – Juninyonu alsa

“Qarabağ”ın futbolçusu Juninyonu heyətinə qatmağa yaxın olan “Sevilya” klubu UEFA Çempionlar Liqasına vəsiqə qazanacağı təqdirdə, Azərbaycan çempionuna əlavə ödəniş edəcək.

Komanda.az xəbər verir ki, bu barədə “Relevo” nəşri məlumat yayıb.

Əndəlüs təmsilçisi Çempionlar Liqasına qatılsa, “köhlən atlar”a 250 min avro ödəyəcək. Bundan başqa, “Qarabağ” 28 yaşlı hücumçunun növbəti satışından 20 faiz gəlir əldə etmək hüququna da malik olacaq. Bu keçidin “Sevilya”ya 4 milyon avroya başa gələcəyi gözlənilir.

Bu həftə İspaniyaya gedəcək braziliyalı hücumçu yeni klubu ilə 2+1 illik müqavilə imzalayacaq.