Şeşko “Barselona”nın planlarını pozub

Sloveniyalı hücumçu Benyamin Şeşko “Barselona”ya keçə biləcəyi halda “Mançester Yunayted”i seçib.

İngiltərə təmsilçisi 22 yaşlı futbolçunu bonuslarla birlikdə 85 milyon avroya transfer edib.

Komanda.az “Diario Sport”-a istinadən xəbər verir ki, “Barselona”nın idman direktoru Deku Şeşkonu Robert Levandovskinin potensial varisi kimi görürdü.

Kataloniya klubu polşalı forvardla yolları ayırdıqdan sonra gələn yay bu transferi reallaşdırmağı planlaşdırsa da, artıq bu variant mümkün deyil.

Şeşko “Mançester Yunayted”lə 5 illik müqavilə imzalayıb. O, son iki mövsümü “Leyptsiq”də keçirib.