ÇL: “Biz onlara yox, onlar bizə uyğunlaşmalıdır”

“Real”ın hücumçusu Vinisius Junior UEFA Çempionlar Liqasının qrup mərhələsində “Seltik”lə keçirəcəkləri oyun haqda gözləntilərini bölüşüb.

Komanda.az xarici KİV-ə istinadən xəbər verir ki, braziliyalı hücumçu rəqibin güclü olduğunu deyib:

“Seltik” çox güclüdür, meydanda əla qaçırlar. Düzünü desəm, onların çox matçlarını görməmişəm. Düşünürəm ki, görüşümüzə qədər onların oyunlarına daha çox baxmalıyam. Amma biz öz futbolumuzu oynamaq niyyətindəyik. Biz onlara yox, onlar bizə uyğunlaşmalıdır. Biz heç nəyi dəyişməyəcəyik. Ümid edirəm ki, yaxşı oynayıb, nəticə əldə edə bilərik”.

“Seltik” – “Real” oyunu bu gün keçiriləcək və saat 23:00-da başlayacaq.

Bizi Telegramda izləyin