“Sabah” – “Zirə” oyununun biletləri satışda

Azərbaycan Premyer Liqasının 12-ci turu çərçivəsində keçiriləcək “Sabah” – “Zirə” oyununun biletləri satışa çıxarılıb. 

Komanda.az xəbər verir ki, biletləri bu gündən etibarən onlayn şəkildə “iticket.az” saytından, həmçinin oyun günü “Bank Respublika Arena”nın kassalarından əldə etmək mümkün olacaq.

“Sabah” – “Zirə” qarşılaşması noyabrın 5-də, saat 18:30-da “Bank Respublika Arena”da start götürəcək. Matçdan öncə azarkeşlər üçün fan-zona təşkil ediləcək.