“Sabah” rəsmisindən “Beşiktaş”ın Bakı səfərinin detalları ilə bağlı AÇIQLAMA

“Sabah” mayın 13-də Türkiyə Super Liqa təmsilçisi “Beşiktaş”la yoldaşlıq oyunu keçirəcək.

“Qara qartallar”ın hansı tarixdə Bakıya gələcəyi ilə bağlı paytaxt klubunun mətbuat xidmətinin rəhbəri Elnur Həmidovla əlaqə saxladıq. Klub sözçüsü Komanda.az-a açıqlamasında “Beşiktaş”ın matçdan bir gün öncə, axşam saatlarında Bakıya gələcəyini bildirdi.

Həmidov, “Oyundan öncə baş məşqçilərin mətbuat konfransı keçiriləcəkmi” sualını da cavablandırıb:

“Oyunöncəsi mətbuat konfransının keçirilməsi nəzərdə tutulmayıb. Hər iki baş məşqçinin matçdan sonra mətbuat konfransının keçirilməsi planlaşdırılır”.

Xeyriyyə oyunu Tofiq Bəhramov adına Respublika Stadionunda keçiriləcək.

Martın 26-da Türkiyənin “Qalatasaray” klubu da Bakıda “Qarabağ”la xeyriyyə oyunu keçirmişdi. Görüş türkiyəlilərin 2:1 hesablı qələbəsi ilə bitmişdi.

Rövşən Əlisoy