“Sabah” Avropa Kubokunda növbəti məğlubiyyətə üzüldü

“Sabah” basketbol klubu FIBA Avropa Kubokunda növbəti matçını keçirib.

Komanda.az xəbər verir ki, Rimas Kurtinaytisin rəhbərlik etdiyi kollektiv G qrupunda Yunanıstan təmsilçisi “Marussi” ilə üz-üzə gəlib.

Marussi şəhərindəki “Maroussi Saint Thomas Indoor Hall”da baş tutan qarşılaşma təmsilçimizin 71:82 hesablı məğlubiyyəti ilə yekunlaşıb.

“Sabah” evdə “Marussi”yə 70:82 hesabı ilə məğlub olub. Azərbaycan komandası həmçinin qrupda keçirdiyi digər oyunlarda Belçikanın “Spiru” klubuna evdə 68:78, səfərdə 81:82, İsveç təmsilçisi “Norrçepinq Dolfins”ə isə 70:74 hesabı ilə yenilib.