“Sabah”, “Adana Dəmirspor” və başqaları

2023/24 mövsümündə ilk dəfə avrokubokların təsnifat mərhələsində iştirak etmək hüququ qazanan klublarla bağlı statistika diqqət çəkib.

Komanda.az xarici KİV-ə istinadən xəbər verir ki, Azərbaycan təmsilçisi “Sabah”ın da yer aldığı siyahıda avrokuboklarda debüt mövsümünü keçirən klublardan yalnız Türkiyə “Adana Dəmirspor”u pley-off mərhələsinə vəsiqə qazanıb.

Avrokuboklarda debüt edən komandalar:

1. “Sabah” (Azərbaycan)
2. “Adana Dəmirspor” (Türkiyə)
3. “Eqnatiya” (Albaniya)
4. “ÇSKA-1948” (Bolqarıstan)
5. “Dukagini” (Kosovo)
6. “Auda” (Latviya)
7. “Hegelmann” (Litva)
8. “Arsenal” (Monteneqro)
9. “Penibont” (Uels)

2022/23 mövsümündə “Sumqayıt”da çıxış edən Vüsal İsgəndərli hazırda Albaniyanın “Eqnatiya” klubunda çıxış edir.

“Sabah” UEFA Avropa Konfrans Liqasının üçüncü təsnifat mərhələsində, “Partizan”la qarşılaşmada penaltilər seriyasında Serbiya təmsilçisinə uduzub və turnirlə vidalaşıb.