Rəşad Sadıqovun azarkeşlərlə söhbəti VİDEO

Avropa Liqasının qrup mərhələsinin 2-ci turunda “Qarabağ”ın səfərdə “Düdelanj”la qarşılaşdığı oyunda baş verən erməni təxribatına görə matçda fasilə yarandığını xəbər vermişdik.

Komanda.az xəbər verir ki, gərgin anlardan sonra “Qarabağ”ın kapitanı Rəşad Sadıqov azərbaycanlı azarkeşlər tərəfə yollanıb, onlarla qısa söhbət edib. Təcrübəli müdafiəçi onlardan meydana daxil olmamalarını xahiş edib.

“Düdelanj” – “Qarabağ” oyununun 30-cu dəqiqəsində Miçelin rəqib qapısından 2-ci qolu keçirməsindən sonra stadionun üzərində qondarma “Dağlıq Qarabağ Respublikası”nın bayrağı asılmış dron uçmağa başlayıb. Bu isə Rəşad Sadıqov başda olmaqla Ağdam klubunun futbolçuları tərəfindən sərt etirazla qarşılanıb. Onlar hakimə etirazlarını bildiriblər. Qarşılaşmanın baş hakimi isə vəziyyətin ciddiliyini nəzərə alaraq, futbolçuları paltardəyişmə otağına göndərib. Bu zaman azarkeşlərdən də meydan daxil olmağa çalışanlar olub. Nəticədə, qarşılaşmada 10 dəqiqədən çox fasilə yaranmışdı.

Qarşılaşma “Qarabağ”ın 4:1 hesablı qələbəsi ilə başa çatıb.