“Bu, rəqibi cəsarətləndirdi” – Alleqri

“Yuventus”un baş məşqçisi Massimiliano Alleqri İtaliya A Seriyasının 34-cü turunun “Atalanta” ilə görüşündən sonra (2:0) açıqlama verib.

Komanda.az xarici KİV-ə istinadən xəbər verir ki, o, qarşılaşmaya yaxşı start verdiklərini bildirib:

“Futbolçularım meydançada çox çalışdılar. Güclü komandaya qarşı çətin oyunda qalib gəldik. Martdan bəri ilk dəfə səfər matçında qələbə qazandıq.

Oyuna yaxşı başladıq. Lakin sonra ötürmələrdə səhvlərə yol verdik və sürətimiz azaldı. Bu, rəqibi cəsarətləndirdi.

Fasilədən sonra kəskin hücumlar etdik. Rəqibi müdafiədə oynamağa məcbur buraxdıq. İkinci qolu daha tez vurmalı idik”.

Turin təmsilçisi hazırda İtaliya çempionatının turnir cədvəlində 66 xalla ikinci, “Atalanta” isə 58 xalla altıncı pillədə qərarlaşıb.